 |
|
|
|
|
|
|
|
|
|
As orixes de Banco Pastor datan do ano 1776, cando o comerciante-banqueiro catalán, Jaime Dalmau Batista, funda na cidade da Coruña, un establecemento dedicado ao comercio ao por maior e a operacións crediticias.
A nosa entidade presenciou o troco de dúas moedas: do real de vellón á peseta, en 1868, e da peseta ao euro, en 2002.
Desde hai 235 anos, Banco Pastor é testemuña excepcional dos avatares sociais, culturais e económicos mundiais. O desexo de contribuír á mellora social e de se adaptar aos novos tempos é unha constante en todas as etapas do Banco.
Postal navideña de Banco Pastor en 1930.
1936-1945 Decláranse a Guerra civil española e a II Guerra Mundial. Castelao publica Sempre en Galiza en 1944, en Bos Aires.
1942 Vinte e seis gobernos asinan a Declaración das Nacións Unidas, en Nova York, cidade na que, tamén ese mesmo ano, se estrea Casablanca, todo un mito da historia do cine, e os New York Yankees, liderados polo futuro home de Marilyn Monroe, Joe DiMaggio, gañan a liga de béisbol.
Ese ano, Banco Pastor transcende a súa dimensión exclusivamente galega coa apertura da primeira oficina en Madrid, mediante a adquisición da Banca García Calamarte.
Tamén ese mesmo ano, a Compañía de Tranvías da Coruña promove, baixo o pulo do seu presidente Pedro Barrié, a primeira liña interurbana de trolebuses, concedida en España e a primeira estrada electrificada, no treito A Coruña-Carballo.
Publicidad de Banco Pastor.
A primeira gran obra de Fenosa.
1943 O ano no que o mundo vive acontecementos que cambiarán a súa historia, coma o comezo dunha folga de fame na India de Mahatma Gandhi, para protestar contra a súa detención; a rendición dos nazis na Batalla de Stalingrado ou a capitulación dos xaponeses na Batalla de Guadalcanal, Pedro Barrié de la Maza funda Fuerzas Eléctricas del Noroeste Sociedad Anónima (FENOSA) e dá unha volta á capacidade de progreso de Galicia.
1960 África independízase de Francia. Despois de décadas de dependencia, países coma o Congo, a República Centroafricana, Chad, Costa do Marfil, Níxer, Burkina Faso, Madagascar ou Togo independízanse da República Francesa. Mentres, o papa Juan XXIII nomea, por primeira vez cardeal, a un relixioso de raza negra, Laurean Rugambwa.
En Galicia inaugúrase, no peirao coruñés, a factoría bacallaeira máis moderna de Europa , pertencente á empresa PEBSA, presidida por Pedro Barrié de la Maza.
Acción de Industrias Gallegas, S.A.
Estatutos da Fundación Pedro Barrié de la Maza.
1966 A etimoloxía da palabra filantropía deriva do grego φίλος philos (ou filos), e άνθρωπος, antropos, que se traducen respectivamente como amigo de (ou amor), e home (ou ser humano), polo que filantropía significa amigo da humanidade. O termo foi creado polo emperador romano Flavio Claudio Xuliano (331/332 - 26 de xuño de 363). Aínda que as fundacións existen dende hai séculos, considérase que o concepto moderno ten a súa orixe na Fundación Ford, creada o 15 de xaneiro de 1936 por Edsel Ford, o fillo de Henry Ford. Pola súa banda, a orixe do movemento pola RSC (Responsabilidade Social Corporativa) ten a súa orixe na década dos trinta para uns autores e para outros nos setenta. Mais o certo é que, dende os anos noventa, a globalización foi cobrando forza e evolucionando constantemente.
En Galicia, un dos grandes impulsores desta conciencia solidaria filantrópica é, sen lugar a dúbidas, Pedro Barrié de la Maza quen, en 1966 e como presidente de Banco Pastor, crea a Fundación que leva o seu nome. Dende entón, a Fundación Barrié ten investido en Galicia máis de 300 millóns de euros, cos cales contrubuíu ó seu progreso nos ámbitos da educación, da investigación, da cultura y dos servicios sociais. Algunhas das súas principais achegas foron dedicadas á construción e equipamento de edificios docentes -por exemplo, as Escolas de Arquitectura Técnica e Superior da Coruña (1973) e a de Enxeñeiros Industriais de Vigo (1975)-, á conservación e posta en valor do patrimonio de Galicia -entre as que destacan as desenvolvidas na Catedral de Santiago de Compostela- e a concesión de máis de 14.300 bolsas de estudo. Importantísimas aportacións, todas elas, que contribúen a consolidar a actividade da Fundación Barrié de la Maza.
1968 Comeza Maio do 68 coa toma da Universidade da Sorbona, polos estudantes franceses, para reivindicar melloras socioeconómicas.
É a época na que Banco Pastor incorpora á súa estrutura os primeiros equipos informáticos para a mecanización de operacións.
Central de Servicios Mecanizados de Banco Pastor.
Postal navideña de Banco Pastor en 1930.
,0.gif "Publicidad de Banco Pastor.")
Publicidad de Banco Pastor.
A primeira gran obra de Fenosa.
Acción de Industrias Gallegas, S.A.
Estatutos da Fundación Pedro Barrié de la Maza.
Central de Servicios Mecanizados de Banco Pastor.